"The thing to dee ye guid is
a cup o' het tay! Ye canna hae had a moofu' this mornin! I hae a cab waitin
me at the door, and ye'll jist get in, my puir bairn, and come awa hame wi'
me! My wife'll be doon afore we win back, and she'll hae a cup o' tay
ready for ye in a moment! You and me 'ill hae oor brakfast thegither."
"Ken ye what ye're sayin, sir? I daurna luik an honest wuman i' the face.
I'm sic as ye ken naething aboot."
"I ken a heap aboot fowk o' a' kin's--mair a heap, I'm thinkin, nor ye ken
yersel!--I ken mair aboot yersel, tee, nor ye think; I hae seen ye i' my
ain kirk mair nor ance or twice. The Sunday nicht afore last I was preachin
straucht intil yer bonny face, and saw ye greitin, and maist grat mysel.
Come awa hame wi' me, my dear; my wife's anither jist like mysel, an'll
turn naething to ye but the smilin side o' her face, I s' un'ertak! She's a
fine, herty, couthy, savin kin' o' wuman, my wife! Come ye til her, and
see!"
Isy rose to her feet.
"Eh, but I would like to luik ance mair intil the face o' a bonny, clean
wuman!" she said.
Pages:
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111