Soon are eyes tired with sunshine; soon the ears
Weary of utterance, seeing all is said;
Soon, racked by hopes and fears,
The all-pondering, all-contriving head,
Weary with all things, wearies of the years;
And our sad spirits turn toward the dead;
And the tired child, the body, longs for bed.
TO CHARLES BAXTER
ON THE DEATH OF THEIR COMMON FRIEND, MR. JOHN ADAM, CLERK OF COURT.
OUR Johnie's deid. The mair's the pity!
He's deid, an' deid o' Aqua-vitae.
O Embro', you're a shrunken city,
Noo Johnie's deid!
Tak hands, an' sing a burial ditty
Ower Johnie's heid.
To see him was baith drink an' meat,
Gaun linkin' glegly up the street.
He but to rin or tak a seat,
The wee bit body!
Bein' aye unsicken on his feet
Wi' whusky toddy.
To be aye tosh was Johnie's whim,
There's nane was better teut than him,
Though whiles his gravit-knot wad clim'
Ahint his ear,
An' whiles he'd buttons oot or in
The less ae mair.
His hair a' lang about his bree,
His tap-lip lang by inches three -
A slockened sort 'mon,' to pree
A' sensuality -
A droutly glint was in his e'e
An' personality.
An' day an' nicht, frae daw to daw,
Dink an' perjink an' doucely braw,
Wi' a kind o' Gospel ower a',
May or October,
Like Peden, followin' the Law
An' no that sober.
Whusky an' he were pack thegether.
Whate'er the hour, whate'er the weather,
John kept himsel' wi' mistened leather
An' kindled spunk.
Pages:
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45